تعبانة

بجد انا تعبانة اوى ومش بنام غير لما اكون معيطة ولازم احلام بكوابيس كل يوم وديما فكرة انى اموت نفسي مسيطرة علية جدا

ليه ياقمرة بس مالك احكى وفضفضى ايه الللى تعبك وبعدين حرام فكرة الموت دى استغفرى ربنا كده عاوزة تخسرى الدنيا والاخرة
استهدى بالله احنا كلنا اخواتك هنا وقولى ايه اللى مضايقك

بابا وماما بيعملونى وحش جدا وديما بعملوا معايا مشاكل وانا زهئت من البيت
ونفسي امشي واروح اى مكان انا خلاص تعب ومش عرفة اعمل ايه وديما مسيطرة ليا فكرت الموت انا مش بعرف انام من الكوابيس الى بشوفها بخاف اغمض عينى لاشوف حاجة تتعبنى وانا بعاقب نفسي باقلت الاكل

بجد انا فرحانة اوى انى في حد بيسمعنى وبيرد عليا وميرسي علي النصائح الجلوة دة واوعدك انا هحاول اعمل بية

انا متخانة انا وخطيبى ومش بيكلمنى من امبارح ومش عارفة اعمل ايه ممكن تفكروا معايا
بس انا مفكرتش اكلمه لانى رنته امبارح فافل الموبايل اعمل ايه انا مخنوئة وتعبت من المشاكل الى حولية

بحب واحد بس كتب:انا متخانة انا وخطيبى ومش بيكلمنى من امبارح ومش عارفة اعمل ايه ممكن تفكروا معايا
بس انا مفكرتش اكلمه لانى رنته امبارح فافل الموبايل اعمل ايه انا مخنوئة وتعبت من المشاكل الى حولية

هو اكيد هيفتح الموبيل محدش بيستغنى عن التليفون ابدا وان شاء من هنا لحد مايفتح الموبيل يكون هدى والامور احسن من الاول
وانتى حاولى تتعاملى معاه بهدوء انتى روقى كده وان شاء الله نسمع عنك اخبار كويسة

بصى ياحبيبتى استهدى باللة وحاولى تصلحى امورك مع اهلك يعنى لو بتعرضيهم فى حاجة بلاش اسمعى كلامهم حاولى تمشى حالك
ومع خطيبك لما يفتح الموبايل كلمية واتفهمى معاة بهدوء وحاولى تكسبية علشان يهون عليكى وشوفية زعلان من اية او انتى غلطى فى حقة فى اية وحاولى متعملهوش تانى وربنا يوفقك
وابقى طمنينا عليكى

انا مش عملت حاجة تزعلة هو عشان بابا ضربنى بالم وهو عرف من ماما فمش بيكلمنى وهو فتح تليفونة وانا متصلش دة بابا هو الى اتصل عشان في شغل بنهم وباباسالنى هو مش بيرد لية قولتة دة نايم بس انا مكنتش اعرف نايم ولا لاوانا محولتش اتصل عشان انا عرفة انو مش هيرد انا بجد زهئت انا مش بحب اعرفهم في البيت انى احنا متخناين عشان ميشلوش منوا ويزعلوا هو المفروض انوا بيجى يوم الجمعة دة يوم اجازة بتاعتة وخايفة اليوم دة يجى واحنا نكون لسة متخصمين وهم يسالونى حتى انا كنت عند الدكتور امبارح وهو كان المفرض يجي معايا بس مش جة ماما سالتنى قولتها عندوا شغل واعتذرلي وهو اصلا مكلمنيشاعمل ايه وقول ايه لو هو مش جة يوم الجمعة وو بابا وماما حسوا انى بكذب

يعنى خطيبك مش بيكلمك علشان باباكى ضربك ولا علشان سبب الضرب نفسة
بصى حاولى تتصلى بية وتعرفى منه السبب الاصلى ولو مردش ابعتيلة رسالة اسئلية فيها عن السبب ولية مش راضى يرد عليكى وعلى باباكى وعاتبية زى ما سهر قالتلك ولو هو زعلان علشان باباكى ضربك قوليلة بدل ما تقف جانبى وتصبرنى تبعد انت كمان وتقسى
وربنا يوفقك ويهدى الامور مع اهلك وخطيبك

هو ضربك ليه يمكن ضربك علشان حاجة بسبب خطيبك فهو مكسوف

انا متفقة مع العالمى لازم نعرف سبب الضرب اية علشان نقدر نحكم على الموضوع
وربنا ييسرلك احوالك ويطمنا عليكى

بسبب انى انا عصبية جدا وصوتى عالى في المناقشة من كتر العاصبية الى عندى وبعدين بابا ضربنى بس مش قدامة بس هو عرف من ماما لما جة وشفنى متغيرة وعصبية وانا بعتله رسالة وبردوا مش عايز يرد عليا واتصلت 4مرات ومش عايز يرد انا خلاص والله العظيم تعب انا احسن حل والله بجد اريح كل الناس مني واولع في نفسي وبجد انا شغلتكوا بيه انا اسفة وميرسي علي معملتكم ليه بس اظهار انى مفيش حل لازم ارتاح واريح الناس

بصى انتى مشغلتناش ولا حاجة انتى زى اختنا اتكلمى على راحتك وفضفضى واحنا هنسمعك ونرد عليكى
سهر فعلا عندها حق واللى انتى بتقولى علية دة مش حل خالص حاولى تهدى ولما تيجى تتكلمى مع اى حد سواء اهلك أو خطيبك متتعصبيش ومتخليش صوتك يعلى وانتى بتتكلمى علشان كدة بتتحول الى خناقة مش مناقشة واستهدى بالله وشيلى الفكرة الغريبة دى من دماغك
وعلى خطيبك انتى بعتيلة رسالة وكلمتية 4 مرات خلاص استنى يتصل هو بيكى ومتتصليش تانى وهو ان شاء الله هيكلمك
وربنا يهديكى ويوفقك ويصلحلك الامور

دلوقتى بابا عايز انى اسيب خطبي اعمل ايه عشان كلهم في البيت شيفين انى بعذب نفسي علي حد مش يستاهل العذاب دة وانا خايفة من قرار بابا وبابا كمان مش عجبة الوضع بسبب عدم اكلى واهمالى في نفسي انى وشى تعابن وخسة بس انا طول ما احنا متخصمين انا ممكن مش اكل خالص ومش عرفة اعمل ايه بجد

فعلا هو لو كان كدة يبقى مينفعش لانك هتفضلى تعزبى نفسك كدة على طول وأوعى تفتكرى أنك ممكن تغيرى الطبع دة فى حد لا عمرك ما هتعرفى وهتتعبى فى جوازك جدا
دة لو هو اسلوبة كدة معاكى على طول يبقى تسمعى كلام باباكى لانك لو سبتية هتتعبى دلوقتى شوية بس ممكن تستريحى بعدين
لو هو مش كدة أصلا وهو دلوقتى زعلان من حاجة كبيرة يبقى لازم تحاولى تكلمية تانى
وتوصليلة اللى باباكى قالهولك علشان يكون عارف ولو هو بيحبك بجد هيكلم باباكى وهيعرفة انة ميقدرش يستغنا عنك وهيقف للمموضوع بجد بس لو معملش كدة وهو عاوز يبعد انسية أحسن وشوفى مستقبلك
بس أهم حاجة لازم تعرفية اللى باباكى قالة

انتى فين وايه اخبارك طمنينا عليكى ضرورى

انا نفسيتى وحشة اوى بس هعمل ايه انا سلمت للى انا فيه اطمنوا بس ادعولي انى اخرج من الى انا فيه دة علي خير انا بقول يارب والحمد الله بصلي

أحسن حاجة بتعمليها أنك بدعى ربنا وأن شاء الله يخفف عنك
وأن شاء الله يوفقك اللى فيه الخير

قلبى معاكى وبدعيلك ربنا ييسرلك الاحوال