الجزء الثانى من مشكلة عمرى

انا اخت العالمى اللى بكتب لكم مش هو
احب اكمل معاكم باقى المشكلة لعل وعسى نوصل الى حل يرضى جميع الاطراف
دلوقتى الولد الصغير تعب وماما وبابا سافروا يرحوا يشوفوا
وقعدوا هناك يوم
ماما قالت انها اتغيرت كثيررر عن الاول
باستها وحضنتها وقالت لها انا مش زعلانة منك وانتى عمرك مازعلتنى ابدا
وفضلت تفصص لها الاكل وصممت عليها تاكل لان ماما كانت رافضة انها تاكل
وبعدين ماما كلمة البنت فى الموضوع
حست منها ان كرامتها وجعاها
وحست منها ان فى أمل فى الرجوع والصلح
ولكن العالمى رافض خالص حاليا بسب انها رفعت قضية من اسبوع
العناد واخده ان طالما هى رفعت قضية عليه خلاص مش هيرجعها وتاخد حقها بالقانون
انتوا ايه رايكم

السلام عليكم ورحمة الله وبركاته
انا من رأى طالما البنت اتغيرت وبقيت احسن ووالدتك شافت ده
يبقى اتوكل على الله
على الاقل ولادك هيبقوا جمبك على طول
هما ولادك ميستحقوش تضحية؟؟

رايي انك تكلميه في الموضوع دة وتحاولي معاه يخفف عناده ده
ويرجع لمراته تانى

صحيح كدا انا رأى من رأى الكبريا الصامت
الصراحة يعنى انت بتحبها وبتحب ولادك وانت بنفسك قلت انك كنت عايش
سعيد ومبسوط معاها ولا هى يعنى هتبقى تروح لها تبعد عنك ولما تجيبلك تبعد
انت عنها
لا بصراحة انا مش معاك خالص فكر كدا مع نفسك اللى بيحب حد بجد بيحب يبقى معاه
دايما وبيسامحه مهما غلط فى حقه وبعدين من حق ولادك يعيشوا فى حضنك وحضنها
حرام عليكم بقى كفاية عناد وفكروا فيهم شوية وكفاية عليك اوى ندمها
ارجوك بلاش تندفع ورا كبريائك وتقول كرامتى ده بيتك وولادك الحكاية مش نفسك وبس


اهدى كدا وفكر واحسبها بعقل بدل ما تخسر كل حاجة وترجع تندم واولها ولادك
ضحكة اى حد فيهم وابتسامته بالدنيا ومافيها واكيد انت حاسس انهم وحشوك دلوقتى
وابنك المريض ده مش من حقه يكون فى حضنك وقدام عينيك محدش هيحس بيك قدك
ولا فى حد ممكن يخاف عليه ويجرى بيه لدكتور زيك


اتمنى انى اكون قلت حاجة اقدر ااساعدك فى اتخاذ القرار بيها
وطمنى عليك وابقى قولنا الاخبار وان شاء الله انا مستبشرة خير
ربنا يصلح حالك يارب ويعملك الخير والصالح ليك وليها ولولادكم ان شاء الله

بسم الله الرحمن الرحيم
بقدم شكرى للكبرياء الصامت
ونجومى
وياسمينا
شكرا ليكم جميعا على ارائكم

بصراحه يرجعم لبعض احسن

انا مش بعرف انصح حد لانى اناعندى مشاكل كتيرة اوى بس انا عايزة اقولك كلمة واحدة انك ترجعلها وعشان خاطر الاولاد اكيد دول عندك اغلي واجمل حاجة وطول ما انت وهى بعيد هتفضل المشاكل وياريت كمان نصيحة ودة عن تجربة متخليش اى حد من اهلك ولا اهلها يدخلواوان شاء الله ترجع البيت انت وهى والاولاد