نفسى انتقم منه واعذبه زى ما عذبنى

اسفه لو طريقة كلامى ممكن من خلالها تاخدو عنى انطباع انى قاسيه او قلبى وحش
الحقيقه عكس كده خالص بس غصب عنى
حبيته من سنين كتيرة اوى عملت عشانه حاجات كتير
لدرجة مبقاش حاسس بحبى قد ايه هو كبير وقد ايه فعلا صعب يلاقيه تانى
بيفكرنى بالبقرة اللى كل يوم تدينا لبن وده مش واجبها بس لو يوم مدتناش نكرهها ونقولها ليه
وننسى فى ثانيه انها ادتنا كتير قبل كده
مشكلتى بتتلخص انى نفسى انتقم منه
ايوة نفسى اكسر قلبه زى ما ياما كسر قلبى
نفسى اذله زى ما ذلنى
انا دلوقتى معاه ارق من الملاك بيزعلنى واصالحه زى ما طول عمرى بعمل
بس كنت بعمل كده بصدق دلوقتى بدافع الانتقام
بكلمه على مدار اليوم طول ما هو صاحى انا معاه
بعلقه بيا اوى
وبوصله انى ليه وانه كل حاجه فى الدنيا
لكن اللى ناوياه انى اسيبه وارميه زى ما كتير رمانى من حياته
وانى لما الاقى الانسان اللى يستاهلنى اروحله
واعذب الانسان اللى حبيته زى ما كتير عذبنى
اوعو تفتكرى انى مبقيتش بحبه
لا انا بحبه اوى لسه وده اللى معذبنى
بس معاملته القاسيه بتقوينى وانه مستعد يرمينى فى اى لحظة برا حياته
بيقسى قلبى
انا مش عارفه عايزة ايه ولا هعمل ايه
ولا عارفة فى يوم فعلا هقدر ادوس على قلبه
وينفع وقتها احب من تانى
مش عارفة هو ممكن يكون نصيبى او لا
مش عارفة هو ناوى فعلا على ايه ولا عايز ايه
تعبانه ومش عارفة افكر حاسه انى تايهه فى طريق طويل لوحدى
وهو حاطط ايديه على عنيا مش عارفه رايحه فين وهيسيبنى ويمشى فجاة امتى ووقتها هفتح عنيا الاقى نفسى فين
ويا ترى وانا ماشيه معاه وحاطط ايديه على عنيا ممكن حد بالصدفه يعدى من جامبى يكون عايز يساعدنى لكن مشوفهوش ولما افتح يكون ضاع خلاص
تعبانه بجددددددددد محتاجاكو تشوفو بدالى
هو خلاص حبه عمانى

انتى بتقولى كده عشان زعلانة منه بس لكن اللى بيحب لا بيكره ولا بينتقم صدقينى