ازاى اتعامل مع امى

بجد من غير محد فيكم يستغرب من عنوان المشكلة
مبعرفش اتعامل معاها
اسلوبها بيخنقنى
بتتكلم بزعيق وصوت عالى طلباتها مش طلبات لا دى اوامر
بطريقة مستفذة غصب عنى بتعصب وصوتى بيعلى
مش هنكر ان ده غلط ومينفعش صوتى يعلى عليها لكن غصب عنى
بتخرجنى عن شعورى
عايزة كل واحد وواحدة تقولى ازاى اتعامل معاها
لو تتكلم بطريقة وحشة او صوت عالى ونرفزة ارد اقول ايه
ولو تعبانة وطلبت منى حاجة وانا مش قادرة اعملها
ولو مشغولة ومش فاضية ارد اقول لها ايه
ولو فى نصايح تانية عايزين تقولوهالى قولوا

اول حاجة احب اقولهالك انه ميعرفش قيمة الام بجد الا اللى اتحرم منها
مش هقولك حرام وميصحش لانك اكيد عارفة كل ده وفهماه كويس جدا
لكن بالراحة كدا وهى بتتكلم فكرى مع نفسك بهدوء هو ايه اللى هيحصل لو انا
قلت حاضر ولا اى حاجة هتتحل المشكلة كلها فى ثانية لو لقتيها متعصبة وبتزعق مترديش
الا اما تخلص كلامها خالص وردى بالحسنى واللين يعنى قوليلها حاضر يا ست الكل بس انتى متضايقيش نفسك كلمة بسطة وسهلة هتحول عصبيتها لرضا عنك ورضا ربنا قبل اى شئ
وراكى حاجة ومشغولة لو ينفع تسيبى اللى فى ايديكى سيبيه هو هيروح فين يعنى هيطير هترجعى تلاقيه لو مينفعش قوليلها حاضر هعملك كل اللى انتى عايزاه بس دقيقتين اخلص واجيلك صدقينى الكلمة الحلوة بتهد جبل وبتحول العصبية والنرفزة لهدوء وصفيان
عارفة انك هتقولى محدش حاسس بية واللى جوة المشكلة غير اللى براها وانى حاولت ومعرفتش هرد عليكى واقولك انتى فى يوم هتبقى ام لو مااتعاملتيش من المنطق ده وقدرتيه كويس كله هيترد لك من ولادك تقدرى تستحملى ابنك او بنتك يزعق لك


فكرى وهتعرفى الاجابة حاولى مرة واتنين وتلاتة وخليكى فاكرة الكلمة الحلوة اهم شئ
ربنا يصلح حالك يارب ولو فى اى حاجة تانية قوليها على طول

لو رضيتى امك حياتك هتكون كويسه
تانى حاجة ان رضي الام من رضي الرب
مافيش حاجة اسمها متفدريش تعملى انتى لما تكونى عاوزة حاجة منها بتقولك مقدرش اعملها
ولو اتنرفزت عليكى مترديش حتى لو انتى عنك حق
ربنا يهديكى

ربنا يهديكى