منتدى السهر

مرحبا بك زائرنا العزير فى منتدى السهر
منتدى السهر هو منتدى عام وشامل لكل ما تحتاجه
فعليك بالدخول ان كنت عضو او التسجيل مجانا ان كنت زائر ويسعدنا انضمامك الى اسرتنا
ادارة منتدى السهر


منتدى عام والتسجيل مجانى للجميع


    ضعيفة وبحن له

    شاطر
    avatar
    تعب قلبى
    هى عضوية مستعارة يستخدمها اى عضو ليسال عن شيأ
    وهومتخفي وراء عضوية تعب قلبى
    هى عضوية مستعارة يستخدمها اى عضو ليسال عن شيأوهومتخفي وراء عضوية تعب قلبى

    النوع : انثى
    العمر : 29
    تاريخ الميلاد : 28/01/1988
    تاريخ التسجيل : 27/11/2009
    عدد المشاركات : 39
     تقيم نشاط العضو تقيم نشاط العضو : 103
    المزاج :

    ضعيفة وبحن له

    مُساهمة من طرف تعب قلبى في الأربعاء 10 مارس 2010, 9:04 pm

    انا زهقانة ومخنوقة وحاسة بملل وخنقة
    هحكى حكايتى يمكن الاقى لها حل عندكم
    انا مش هشكر فى نفسى واقول انى كويسة واصيلة وضحيت واستحملت كثير وقدرت واتعذبت
    بس هقول انى انسانة زى اى بنت كل حلمها الخطوبة والفستان والزفة الحلم ده عمره ماجاه فى بالى الا لما ارتبط بانسان وعشت معاه سنتين وشهرين مفتكرش الايام الحلوة اللى عشتها معاه ومش بقول كده علشان اظهر قدامكم انى ضعيفة وضحية ومكسورة وهو الحاقد والانانى
    لكن فعلا دى الحقيقة البنى ادم ده انانى ومبيحبش غير نفسه اهم حاجة واول حاجة هى نفسه وبعدين انا فى الاخر
    فضل يضيع فى عمرى جمبه ويعلقنى بوعود وحكايات وحلم البيت والاولاد والفستان والزفة والعائلة
    ويقربنى من اهله وبفرض عليا انى اكلمهم واسال عنهم وكلم اختى وقال لها اد ايه بيحبنى ومتمسك بيا وشرح لها ظروفه وانه شارى بس الموضوع موضوع وقت بعد كل ده اقتنعت ومقدرتش اكذب حبه ليا قلت اللى يخليه يعيش معايا السنين دى ويقربنى من اهله ويكلم اختى ده كافى على حبه ليا
    قلت استحمل عصبيته وشدته اوامره وشروطه كل حاجة قلت استحملها فى سبيل الحب والسنين
    فضلت اضحى واتنازل واسامح كل اللى حواليا كانوا بيحاولوا يبعدونى عنه وينصحونى بانه انانى ومحدش يستحمل كل ده
    محدش يستحمل اننا نتجمع اسبوع اواثنين ونفترق شهر او 20 يوم على الوضع ده بقالى سنتين ومشاكل كثير كنت بنهيها بمكالمة تليفونى لا ومش من النوع اللى اول مااكلمه يتجاوب لا ممكن ميردش يوم واثنين واسبوع
    واى مسج ابعته ملوش اى رد ولا اى اهتمام منه
    مبيحبش يسمع غير نفسه ومش بينفذ غير رايه واللى فى دماغه وبس
    قسوة وانانية عمرى ماشوفتها على بنى ادم
    وعمرى ماشوفت منه حنية ابدا
    صليت صلاة استخارة ظهرى فيها ما يفيد انه مش كويس
    حاولت ابعد كثير سنتين واكثر بحاول اسيبه لانى فعلا استحق احسن منه بكثيررر وبشهادة كل اللى حواليا
    ولسه بحاول لكن للاسف يضعف
    وبفشل
    انا فاشلة فعلا فى علاقتى معاه
    مش هقدر اوصف انا ازاى شخصيتى كويسة وقوية جدا وعمرى ماببقى على اى حد باع حتى لو اقرب الناس ليا
    ممكن جدا اسيب صاحبة عمرى لو فكرت تغلط فيا ومفكرش فيها وومكن بسهولة امحيها من حياتى ولا تشغل بالى ولا تفكيرى واكمل واصاحب غيرها عادى جدااااااااااااااا
    ممكن اعرف اقسى على اللى منى لو جرحنى او قسى عليا الا ده
    ممكن يزعلنى ويحرق دمى وفى نفس اليوم او ثانى يوم بكثير الاقى نفسه مسامحاه
    رغم كل العيوب والقسوة والانانية الا انى للاسف بحبه ورغم انى متاكده ان الاحلام اللى رسمهالى كلها كدب وخيال ووهم كبير الا انى لسه متمسكة بالحلم ده
    عارفة انى مش عايشة وانى ميته ومخدتش منه غير وجع القلب وحرقة الدم لكن مش عارفة ابعد
    انا عقلى رافضه مليون المائة ولو ليا واحدة فى مكانى هنصحها بانها تسيبه وتشطبه من حياتها وانا من جوايا مش عاوزاه عارفة انى مش هبقى سعيدة معاه فى المستقيل لانى ميته اصلا ومش حاسة بحياة دلوقتى
    مفيش غير الفراق والدموع والاهات
    مش بيقدر انى بضحى علشانه واتنازل علشانه وباجى على نفسى كثير
    ياما بعدت عنه وياما قلت له كل اللى بينا انتهى لكن للاسف برجع بمكالمة تليفون منه لانه مش بيرجع الا بعد كثير لما يكون قلبى خلاص ممكن يموت بس يسمع صوته و احن
    اوانا اكلمه ومقدرش امنع نفسى لما يوحشنى قووى
    انا مش عارفة ازاى صابرة ومستحملة علشان الحب
    عارفة انى غلط ومعترفة بده وبحاول كثيررررررررر لكن انا فاشلة بكل معنى الكلمة فى انى اتخلص من حبه بقالى سنين بحاول ابعد واغير موبيلى واكسر شرائح لكن هى ايام واحط الشريحة واطلبه
    بجد المشكلة مش فيا المشكلة فى قلبى هو السبب فى المى وعذابى نفسى لو امسك قلبى واشيله واموته واحط مكانه حجر مش بيحس ولا بيتالم
    اوقات كثيررررررررر ودائما حاسة ان قلبى ده شيطان او عدو عاوز يهزمنى ويعذبنى قاصد يدمر حياتى ويقضى على فرحتى

    لانه دائما متمسك بالغلط متمسك بحد قاسى وعنيد ظالم وجارح

    حاولت الاقى حل صليت ودعيت وحاولت ساعات او ايام وارجع تانى لنفس الحالة الميئوس منها
    نفسى فى حل نفسى اقطع قلبى اشيل منه الاحساس والنبض نفسى بجد
    نفسى ابطل اعلق نفسى باحلام انا متاكده انها كدب ومش صح وانها اوهام وكلام فى الهوا لكن للاسف برضه عايشة على امل انها تتحقق رغم اقتناعى بانها مش هتتحقق ابدا وعارفة انها كدب خيال اوهام
    للاسف عايشة على حلم الفستان والبيت الهادى والحب والاولاد
    حاولت اخلص واريح نفسى بانى اتفق على ميعاد لما يجى وقته لو الكلام متنفذش نسيب بعض لما بيجى وقت التنفيذ بلاقى عذرللاسف مقبول
    اعمل ايه

    على فكرة انا ساعات بحس انى مش بحبه ومش عايزاه لكن للاسف طول الوقت مشتقاله وشايفاه حوليا فى اى مكان بمجرد مابسمع اسمه قلبى بيدق
    حاسة انى مش بحبه لكن متعودة عليه حاولت اشغل نفسى بحد تانى مش بلاقى فى الحد التانى ده اللى هو كان بيقولوا ليا ولا اللى كنت بعيشه معاه وكل مااحاول اقرب من حد تانى اتخنق منه وارجع للشخص ده تانى
    مشكلتى انى بحن له دائما وعايزاه معايا على طول على طول واحشنى وعلى طول فى دماغى مش بيفارق تفكيرى ولا لحظة وانا بتكلم معى اى حد فى الدنيا فى اى مكان ببقى حاسة انه قاعد جمبى وببقى حاسة انه شايفنى وسامع كلامى وببقى بتكلم من منطلق انه سامعنى وشايفنى يعنى بقول الكلام اللى انا هقوله فعلا لو هو كان موجود مش عارفة ليه كده
    طول ماانا ماشية فى الشارع ابقى بفكر انه ممكن الاقى قدامى اقابله صدفة احس انه معايا جمبى شايفنى
    مش عارفة ازاى انا مش عاوزاه ورفضاه وفى نفس الوقت عاوزاه حياتى عاوزة اسمع كلامه واشوفه واقعد معاه واعيش لكن متضايقة من كلامه نفسى احقق الاحلام اللى حلمتها معاه احققها برضه معاه ونفسى اكلمه ويكلمنى على طول
    بجد انا حاسة انى مريضة بحبه او فيا شىء مش طبيعى
    avatar
    نجومى
    مشرفة
    مشرفة

    النوع : انثى
    رقم العضوية : 4
    تاريخ التسجيل : 27/11/2009
    عدد المشاركات : 30
     تقيم نشاط العضو تقيم نشاط العضو : 57

    رد: ضعيفة وبحن له

    مُساهمة من طرف نجومى في الأربعاء 10 مارس 2010, 9:34 pm

    بصي يا قمر انتى بتقولى انه انانى يبقي بلاش تفكرى فيه ولا تحبيه
    وانتى اكيد متستهليش كدة
    حاولى على قد ماتقدرى انك متفكريش فيه
    ولو حنيتى له افتكرى انه جرحك وانك مش تستاهلى كدة

    بحب خطيبى
    الرتبة
    الرتبة

    النوع : انثى
    الحالة : مخطوبة
    تاريخ التسجيل : 28/12/2009
    عدد المشاركات : 69
     تقيم نشاط العضو تقيم نشاط العضو : 115
    المزاج :

    رد: ضعيفة وبحن له

    مُساهمة من طرف بحب خطيبى في الأربعاء 10 مارس 2010, 9:44 pm

    انا كنت مع خطيبى سابقا يزعلنى ويجرحنى واسمحه لانى للاسف مكنتش بقدر على بعده ولا على فراقه
    فكنت بسامحه اول ما يرجع على طول
    وفضلت اتنازل واتحمل سنين
    لحد لما اتخنقت واتعذبت واتالمت قوووى قوووى
    وكنت اسيبه وارجع له تانى زى العبيطة
    مع انى والله كنت بعيط كتير قبل ما اكلمه
    لكن كنت فعلا مش بقدر وضعيفة قوووى قدامه
    لدرجةوالله كنت بعذب نفسى جااامد قوووى عشان بفكر فيه وادافع عنه وارجع له تانى
    لكن لما وصلت للخيانة والشك فيا كمان
    طبعا سبته
    وكالعادة قلت مش هرجعله تانى
    وتانى ضعفت
    للاسف الشديد
    تخيلوا توصل لكده وبرضه بفكر اسامحه
    بجد احتكرت نفسى قوووى
    واتخنقت من نفسى قوووى
    وكرهت ضعفى وقلة حيلتى معاه

    كنت فى الاول مش قادرة ادعى عليه وقلبى بيتقطع حتى من دعوة يارب ابعدنى عنه
    لكن يوم بعد يوم
    بقيت ادعى وادعى قوووى وبحرقة ومن كل قلبى
    واقول
    منك لله
    فعلا مفيش اى حاجة بتنسى ابدا
    غير الدعاء والتقرب من الله جلا وعلا
    والله كل اللى بقوله
    يارب خرج حبه من قلبى من غير الم ولا جراح
    عاجلا غير اجلا
    وارزقنى بالزوج الصالح الذى تحبه وترضاه
    وبقول
    يارب انت وكيلى وعليك خلاص الحق
    جيبلى حقى منه يااارب
    والهمنى الصبر والقوة
    وثبتنى فى هذا الطريق
    والحمد لله والف شكر ليك ياارب
    وبقيت مش ناسية حاجة عملها
    لا وكمان كل عيوبه اللى مكنتش شايفها ولاواخدة باللى منها
    بقيت باينة قدامى
    و مش عارفة اسامحه
    ورافضة خالص حتى التفكير فيه
    ولما حد يكلمنى عنه مش بضعف زى كل مرة واحن
    لا ده انا بفتكر المه
    واصمم اكتر على رفضى ليه
    صحيح لما بشوف مشكلة عن خيانة بزعل لكن على نفسى مش عليه
    بس الحمد لله برضه
    سرعان ما يزول الالم والحزن
    عكس الاول كنت بدعى ربنا انه يرجعلى وكنت بسامحه والتمس له الاعذار كلها وساعات كمان انا اكلمه وادافع عنه
    واقوله انت عملت كده عشان كده
    يعنى من عبطى بحلها له كمان
    بس الحمد لله انا حاسة انى احسن
    وهفضل ادعى ربنا يثبتنى
    وهقول
    ياااارب ثبتنى فى طريقى
    واللهم اخرج حبه من قلبى بدون الم وبدله بحبك فهو اعظم واشرف
    اللهم اجبر كسر قلبى عاجلا غير اجلا
    اللهم انت وكيلى فعليك خلاص الحق
    اللهم انتقم ممن جرحنى وتسبب فى الامى وعذابى
    واستغرك واتوب اليك
    وادعوك باسمك الاعظم الذى اذا دعيت بيه استجبت
    ان تمحى حبه من قلبى للابد
    وتبعده عن طريقى وترينى بعينى حسرته
    هو ده السر
    اللى يخليكى كده وفى ايام
    طول ماانتى قاعدة
    ادعى
    وانتى بتصلى لما تفتكريه
    فعلا كل مرة مكنتش بدعى كنت بتعذب منه اكتر لكن فعلا حسيت بالفرق الكبير ده بعد الحاحى بالدعاء وطلب الرحمة من الله ارحم الراحمين
    ياااااااااااااا ه
    ارتحت قووووى
    وان شاء الله ربنا ما يوريش لحد جرح
    avatar
    دلوعة
    الرتبة
    الرتبة

    النوع : انثى
    الحالة : عروسة جديدة
    تاريخ التسجيل : 20/12/2009
    عدد المشاركات : 107
     تقيم نشاط العضو تقيم نشاط العضو : 192
    المزاج :

    رد: ضعيفة وبحن له

    مُساهمة من طرف دلوعة في الأربعاء 10 مارس 2010, 10:25 pm

    متفكريش فى انك حاولتى ومقدرتيش او انك فاشلة ومش هتقدر ولا الاحلام والكدب ولا حتى الجرح والانانيةخدى الموضوع تحدى وعناد وانك هتكسيى قلبك وتتغلبى عليه قلبك اللى دائما منتصر ودائما بيرجعك ويغلب انتى المرة دى هتغلبيه وتبقى اقوىى منه فكرى انك هتنتصرى وهتفوزى عليه خلى ثقتك فى نفسك عالية وقوية خليكى واثقة فى نفسك
    بلاش تحبطى نفسك وتتراجعى ولا تكونى سلبية حاولى تانى
    وان شاء الله تقدرى طول ماانتى معتمدة على الله وهدفك النصر هتقدرى وتنسيه
    وكل ماتحسى بالضعف فضفضى واحكيلنا قبل ماخدى اى قرار وقبل ماتكلميه ولا تتصلى قوليلنا باحساسك وان شاء الله نساعدك ونقوى الامل والهدف فيكى من جديد
    avatar
    yasmina
    مشرفة المشاكل المحرجة
    دكتورة علم الاجتماع
    مشرفة المشاكل المحرجة دكتورة علم الاجتماع

    النوع : انثى
    رقم العضوية : 13
    تاريخ التسجيل : 11/12/2009
    عدد المشاركات : 134
     تقيم نشاط العضو تقيم نشاط العضو : 249

    رد: ضعيفة وبحن له

    مُساهمة من طرف yasmina في الخميس 11 مارس 2010, 12:11 am

    المشكلة انك بتسألى وبتجاوبى على نفسك الحكاية مش حكاية حب لان الحب يعنى كرامة يعنى كبرياء
    يعنى تفاهم وتضحية من الطرفين يعنى زى ماادى اخد يعنى حد شارينى وبيخاف علية
    الحب معناه اكبر من كدا بكتييييييييير اوى راجعى نفسك وفكرى كويس كل اللى انتى فيه صدقينى حالة تعود مش اكتر والله حالة تعود مجرد حد حسسك بالاهتمام ومالى كل وقتك وشاغل فارغك وعملك نوع من السيطرة الوجدانية اللى مش قادرة تحسيها او بمعنى اوضح اللى خايفة لو سبتيه ترجعى تندمى وتقولى لا ده اللى كان بيحبنى بس صدقينى لا انتى شكلك انسانة قوية وتقدرى تاخدى موقف فى حياتك الحكاية كلها ارادة وصبر وبعدين فى اكتر من ربنا يوضح لك انه مينفعلكيش يعنى ايه بتعاندى ربنا مثلا هتطلعى انتى اللى صح وكل اللى حوليكى غلط فكرى تانى فكرى كويس ربنا لسة بيديلك الفرصة وبعدين اكيد اكيد انتى تستاهلى احسن وافضل منه بكتييييييير اديلهم فرصة بس عن طريق الصح ومتحاوليش تبررى لنفسك كلامك وحوارك معاه انه صح وانه طالما اهله او اختك عارفين يبقى انتى صح وبترضى ضميرك لا لالا لا انتى غلط ايوة غلط وعارفة ومقتنعة من جواكى انك غلط يبقى كفاية غلط وتفوقى بقى مستنية عمر تانى يضيع غير اللى ضاع مستنية منه ايه بتقولى سنتين طب ايه بقى مش كفاية كدا ؟؟؟؟؟
    الفرصة اللى فى ايديكى ووالله انا مش قاسية فى كلامى اللى لمصلحتك واحتسب الاجر من الله
    انا معرفش انتى مين ولا لية مصلحة فى كدا غير انك طلبتى النصيحة والمساعدة وانا بقول وجهة نظرى
    ربنا يعملك اللى فيه الخير ويقويكى ويثبتك وطمنينا عليكى
    avatar
    سندريلا
    الرتبة
    الرتبة

    النوع : انثى
    العمر : 31
    تاريخ الميلاد : 18/12/1985
    تاريخ التسجيل : 11/03/2010
    عدد المشاركات : 36
     تقيم نشاط العضو تقيم نشاط العضو : 63
    المزاج :

    رد: ضعيفة وبحن له

    مُساهمة من طرف سندريلا في الخميس 11 مارس 2010, 2:08 am

    حبيبتى ربنا معاكى
    ويقدملك اللى فيه الخير ويبعد عنك كل شر

    المعذبة
    الرتبة
    الرتبة

    النوع : انثى
    تاريخ التسجيل : 15/12/2009
    عدد المشاركات : 105
     تقيم نشاط العضو تقيم نشاط العضو : 171

    رد: ضعيفة وبحن له

    مُساهمة من طرف المعذبة في الخميس 11 مارس 2010, 11:42 am

    صباح الخير ياسكر
    انا ليا عتب عليكى ازاى تبقى عارفة انه كداب وبيوعدك بسراب ولسه متمسكة بيه يعنى ايه بتحبيه
    مين قال ان الحب يخلينا نغمض عنينا وندوس على كرامتنا ونمشى وراء قلبنا
    لازم متبقيش الا على اللى باقى عليكى وتشترى اللى شارى وفى ستين داهية اللى بايع
    حبك وقلبك والتضحية والصبر دىى كلها عطاء خليه للانسان اللى يستاهل
    سورى يعنى ده انسان زبالة الطبع ده هيبهدلك فى حياتك وطالما بيطول كده فى المواعيد ومخدش ولا خطوة يبقى مش ناوى جد كان خدها من الاول ده واحد عاوز يضيع وقته يقضى معاكى اسبوع ولا اثنين ويزهق يروح يشوف حياته فى حتة تانية ولما يزهق يرجع لك تانى وانتى على طول بتقولى له سمعا وطاعة ويزهق منه تانى ويسيبك وهكذا عارفة ده معناه ايه انك على الرف مركونة وقت مايجيله مزاج يرجعك باشارة يرجعك ووقت مايكون عاوز يسيبك يرميكى
    طالما انتى شخصيتك قوية يبقى ليه سايبة واحد زى ده يعمل فيكى كده ازاى راضية على نفسك ده
    وبعدين بلاش تخلى كل همك الفرح والفستان وانك تحققيه كده كده هيتحقق فى الوقت اللى ربنا كاتبه ليكى
    متستعجليش الدور باذن الله هيجيلك
    سيبها على الله وهو اللى بايده كل حاجة
    واحمدى ربنا انك فى حد بيفوقك ويقولك وانتى كمان عارفة بكدبه وغشه احمدى الله انك فوقتى ايه يعنى سنة ولا اثتنين ولا ثلاثة راحوا احسن ماعمرك كله يضيع يابنتى السنين اللى انتى باقية عليها انتى كنتى ميته فيها اصلا مش عايشة
    قولى الحمد لله وعليكى بالتواصل فى الدعاء مش يوم وخلاص لا يوميا ادعى ربنا واطلبى منه العوض والزوج الصالح عاجلا وثقى ان ربنا هيقف جمبك
    ولو احتاجتى اى حاجة انا جمبك هتلاقينى معاكى وهتابعك على طول لو فى اى حاجة عاوزة تسالى عنها
    avatar
    shosho
    الرتبة
    الرتبة

    النوع : انثى
    العمر : 29
    تاريخ الميلاد : 20/04/1988
    رقم العضوية : 32
    تاريخ التسجيل : 10/01/2010
    عدد المشاركات : 86
     تقيم نشاط العضو تقيم نشاط العضو : 115
    المزاج :

    رد: ضعيفة وبحن له

    مُساهمة من طرف shosho في الخميس 11 مارس 2010, 12:17 pm

    فى بداية كلامى هكلمك على صلاة الاستخارة انتى بتقولى انك صلاتيها يعنى سالتى ربنا الانسان دة كويس ولا لا
    دة هينفعنى ولا لا
    وبتقولى حلمتى حلم وحش يعنى سالتى ربنا ورد عليكى يبقى لازم تسبية
    بصى ياحبيبتى اى بنت فى الدنيا بتميل بطبيعتها للكلام الحلو وبتحلم بالفستان والطرحة والبيت اللى يجمعها مع الانسان اللى بتحبة بس لازم يكون الاختيار من الاساس صح علشان الجواز يستمر
    لازم تعرفى ان الحب لواحدة مش كفاية لازم يكون بيخاف عليكى وبيحبك ويكون فى تفاهم بينكو ويكون حنين عليكى وانتى بتقولى انة قاسى عليكى وبتتكلمو يوم وتتخانقو عشرة
    يعنى الانسان دة انتى لو اتجوزتية واتخانقتو وسابليك البيت بالايام بزمتك دى تبقى عيشة هتندمى على ارتباطك بية وهتكرهى نفسك وعمرك مهتستريحى فى حياتك
    بلاش حالة والحزن والوجع اللى فى كلامك دة انتى شكلك انسانة كويسة بلاش تعزبى نفسك بالشكل دة وأدعى ربنا انة يعوضك باللى احسن منه وينسهولك ويرزقك بالانسان الكويس اللى يصونك ويحبك ويخاف عليكى
    وربنا يوفقك وبتمنالك كل خير
    avatar
    roaa
    الرتبة
    الرتبة

    النوع : انثى
    العمر : 34
    تاريخ الميلاد : 05/11/1983
    تاريخ التسجيل : 14/01/2010
    عدد المشاركات : 73
     تقيم نشاط العضو تقيم نشاط العضو : 93

    رد: ضعيفة وبحن له

    مُساهمة من طرف roaa في الأحد 14 مارس 2010, 10:02 pm

    حبة انى اقلك انى صلاة الاستخارة معناها انك بتستخيرى ربنا او بتسالية فى شئ فهو وضحلك الامور بانى اختيارك لهذا الشخص مش صح لانك بتحلمى احلام وحشة
    فلازم تعملى بالى ربنا قلك علية لانى استمرارك معاة معناة انك بتعاندى ربنا
    وحاولى تنسية بأى شكل من الاشكال وتتقربى من ربنا وتدعى انة يبعدو عنك
    وربنا يوفقق للخير ان شاء الله

      الوقت/التاريخ الآن هو الأربعاء 13 ديسمبر 2017, 6:46 pm