ساعدونى اخد قرار

السلام عليكم ورحمة الله وبركاته

انا عاوزة اخد رأيكم اخواتى انا بنت وعندى 25 ومريضة بالسكر وفى واحد كان زميل ليا بالشغل بس ساب الشغل ده لكن لقيته كلمنى وبيقلى انه عنده صاحبه عريس وعاوزنى انه يشوفنى وكده وطبعا زميلى مايعرفش بالمرض ومحدش اصلا عارف وانا مقلتلوش ومش عارفة اعمل ايه افرض العريس طلب ييجى البيت وبعد ماجه وبابا قاله ومشى هيروح يقول لزميلى وزميلى يقول للناس

ساعدونى اولا لو زميلى قالى انه عاوز يشوفك اقله فين طيب ماهو مينفعش فى الشغل؟

ثانيا اعمل ايه لو جه البيت واحنا لقينا فلاحين للأننا من الأرياف ومعجبوش وكمان لو عرف السكر وطلع قال لصحبه الى هو زميلة

ساعدونى يافتوكات الله يخليكم انا تعبانة من التفكير وبقول أرفض وأريح نفسى وانسى موضوع الجواز ده

انا مع سهر جدااا بصى خليه يجى البيت عادى جدا زى اى حد
والشرع محلل ليكى 3 مرات تقعدى معاه وتشوفيه
ولو خلاص ارتحتى له وحسيتى انه مرتاح لك قوليله انك مش عايزة تغشيه وانك لازم تكونى صريحة معاه لانها عشرة وعمر واحكى له وبعدين ايه يعنى زميلك يعرف
المرض ده نعمة ربنا بيدهالنا علشان يختبرنا بيها ويشوف قوة تحملنا وصبرنا خليكى مؤمنة بالله
واعرفى ان ربنا مش بيجيب حاجة وحشة واكيد هو شايلك الخير ولازم تعرفى ان السكر مش بيمنع الزواج هو انتى بس محتاجة متابعة مع دكتور علشان لاقدر الله مينتقلش لولادك لانه هو كمان مش هيصاب بالمرض الانتقال للزوج مبيجيش الا فى حالات الفيروسات فقط واكيد انتى فاهمة ده يعنى مش مفروض تخافى خالص وربنا يحميكى ويشيل عنك يارب وطمنينا عليكى بااستمرار ربنا معاكى

انا مع سهر وياسمينا فى الراى مفيش احسن من الصراحة والوض

السلام عليكم بصى يا انسة انتى قوليلو لان ده مش مرض خطير اعزك الله او معدى ده بيجى لاى حد فى زمنه ده وعادى امعى كلامى وتوكلى على الله بس هتيهالو بالعقل متحسسهوش انها حاجة كبيرة وانا مش عايزة اغشك والكلام ده لا قوليلو السكر ده عاميلى مشاكل جامدة بس ان شاء الله قربت اخف منه

طبعا تصارحيه بس انتى متكبريش الموضوع لان السكر مرض زى اى مرض